tum aaye ho na shab-e-intezaar guzrii hai

[aziMking]

tum aaye ho na shab-e-intezaar guzrii hai
talaash mei hai sahar baar baar guzrii hai

junuun mei jitni bhii guzari bakaar guzarii hai
agarche dil pe Kharaabi hazaar guzri hai

hui hai hazrat-e-naaseh se guftaguu jis shab
wo shab zaruur sar-e-kuu-e-yaar guzrii hai

wo baat saare fasaane me jiska zikr na tha
wo baat unko bahot naa-gavaar guzrii hai

na gul khile hain na unse miley na mai pi hai
ajeeb rang mei ab ke bahaar guzrii hai

chaman me Ghaarat-e-gulchii se jaane kya guzari
qafas se aaj sabaa beqaraar guzrii hai


[Gaarat=pillage, plunder; gulchi=flower-plucker; qafas=cage]

[L o r d R a j]

Exxxxaaaaallllllttttt

[aziMking]

thanx yaar..

you are toooo fast